Pas bashkimit të Shqipërisë, Serbisë e Maqedonisë së Veriut, i tërë diskutimi është zhvilluar në kuadër të asaj nëse duhet që kësaj nisme t’i bashkohen edhe 3 vendet e tjera të Ballkanit Perëndimor, Republika e Kosovës, Mali i Zi e Bosnje e Hercegovina.
Por, në takimin e kësaj jave që u mbajt në Beograd, diskutimi rreth kësaj nisme rajonal dha sinjale për një zgjerim edhe më të madh. Kjo pasi në këtë diskutim u panë edhe ministrat e punëve të jashtme të Turqisë dhe Hungarisë.
Ministri i Jashtëm turk Mevlüt Çaushoğlu, nga Beogradi tha se pret që “Open Ballkan” të përshpejtoj anëtarësimin e Ballkanit në BE.
“Është koha të marrim fatin tonë në duart tona. Nisma kërkon një qasje të lirë në tregun e punë, shkëmbimi i studentëve, njohja e kualifikimeve akademike, që mund të trajtojë dhe problemin e rrjedhjes së trurit që ka Balkani. Shpresoj se më shumë vende do i bashkohen Ballkanit të Hapur. Shpresojmë që nisma e Ballkanit të Hapur të përshpejtojë integrimin evropian të rajonit. Turqia është Ballkan dhe ne jemi krenarë për këtë. Ballkani duhet të marrë në kontroll fatin e tij”, tha ai.
Pavarësisht këtyre, profesori universitar, Arben Fetoshi, thotë se “Open Ballkan” ende mbet një nismë ekonomike dhe jo ndonjë organizatë që mund të lidhte raporte me Bashkimin Evropian.
Në fillimet e kësaj nisme as BE-ja dhe SHBA-ja nuk kishin ndonjë qëndrim të pretë për të, por më vonë, filloi mbështetja e tyre. Së fundmi Shtetet e Bashkuara të Amerikës, i kanë bërë thirrje edhe Kosovës që të bëhet pjesë e kësaj nisme, me kushtin që të gjitha vendet të jenë me të drejta të barabarta.
Por, nga të gjatë vendet e Ballkanit Perëndimor, Republika e Kosovës është vendi i vetëm i cili nuk ka marr pjesë në asnjë nga takimet e Open Ballkan.
Kronika e gazetarit Valmir Gallopeni.
