Për të tretën herë brenda 15 muajsh, vendi do ti nënshtrohet një procesi parlamentar zgjedhor.
Por veç për kuvend e qeveri, derivat i këtyre zgjedhjeve duhet të jetë edhe presidenti i ri.
Andaj, vlerësohet se duhet bashkëpunim mes partive, që vendi të mos hyjë edhe në një krizë të re pas zgjedhore.
“Çdoherë është dashur marrëveshje politike për presidentin sepse sistemi është i tillë. Këtë po e shohim edhe tash, edhe pse Kurti i ka 51 për qind të votave nuk po mundet me qeverisë pa e votuar një president, prandaj sistemi është ti tillë që kërkon kompromis mes partive politike”, thotë Fitim Mulolli-politolog.
Megjithatë forcat politike tashmë kanë ndarë mendjen se si t’i hyjnë garës për zgjedhje.
Një bashkim të së djathtës e paralajmëruan në LDK, por pa treguar se me kë.
“Ne jemi të synuar që ti japim Kosovës një vizion tjetër, një bashkim të së djathtës e cila dot ë ketë një vizion zhvillimor”, ka thënë Jehona Lushaku nga LDK.
Por e vetme si parti do të garoi PDK, ani se listën thonë se e kanë të hapur për këdo.
“Partia Demokratike e Kosovës do të shkoj në zgjedhje si PDK e brenda listës sigurisht që do të ketë edhe risi edhe emra dhe figura të tjera”, tha kryetari i PDK-së, Bedri Hamza.
Njëjtë dhe ne AAK, që garës synojnë t’i hyjnë vetëm.
“Jemi përgatitur të garojmë vetëm edhe me i dhanë Kosovës dalje”, u shpreh Ardian Gjini nga AAK.
Në fakt, matja e forcave politike në vend, do duhej të ishte parësore sipas politologut Albinot Maloku, e më pas të shihen mundësitë e bashkimit.
“Sistemi politik e njeh procesin zgjedhor si matës të pozicionit dhe fusië, kurse sistemi politiku-ushtrues në vend ku për zgjedhjen e shefit të shtetit kërkon numra të caktuar, ambicia thelbësore është që të ketë gjithëpërfshirje në çështjen e zgjedhjes së presidentit”, vlerëson ai.
Ndërkaq zgjedhjet e reja do të mbahen me 7 qershor.
