Në njoftimin për media nga MPJD-ja kanë bërë të ditur se fokusi kryesor i këtij takimi ishte aplikimi i Kosovës për anëtarësim në Këshillin e Evropës.
“Ambasadori Sakar u interesua për hapat e ndërmarrë, derisa zëvendësministri Ahmeti e njoftoi me procesin kompleks të aplikimit dhe mundësitë ku Turqia do të mund të ndihmonte Republikën e Kosovës në këtë përpjekje të rëndësishme”, thuhet në njoftim.
ADVERTISEMENT
Në fund, Ahmeti e falënderoi Sakarin për mbështetjen e përhershme të Turqisë për anëtarësimin e Kosovës në organizata ndërkombëtare dhe për krijimin e marrëdhënieve bilaterale me shtetet e tjera. /teve1.info/
