“E ardhmja e Evropës varet nga përpjekjet tuaja. Unë ju kërkoj që të rrisni prodhimin e energjisë për t’u siguruar që Rusia e kupton se nuk mund ta përdorë energjinë si armë”, tha Zelensky, në forumin politik.
CNN shkruan se Zelensky tha që Katari mund të japë kontributin e vet në stabilizimin e Evropës, transmeton teve1.info.
Gjithashtu, ai u drejtua edhe vendeve të tjera që kanë qenë në një situatë konflikti, duke u thënë se rendi ndërkombëtar duhet të mbrohet jo vetëm për Ukrainën, por edhe për Afganistanin, Irakun dhe Jemenin.
Presidenti ukrainas, paralajmëroi edhe për efektin e mundshëm që pushtimi rus mund të ketë në eksportet e ushqimit nga Ukraina në vendet anembanë botës.
