Presidenti ukrainas, Volodymyr Zelenskyy, ka deklaruar se Ukraina pranon propozimin e Rusisë për të rifilluar bisedimet e paqes në Stamboll.
Zelenskyy në platformën sociale X gjithashtu tha se po pret që Rusia të shpallë një armëpushim duke filluar nga e hëna.
“Presim një armëpushim të plotë dhe të qëndrueshëm, duke filluar nga nesër, për të siguruar bazën e nevojshme për diplomaci. Nuk ka kuptim të zgjasësh vrasjet. Dhe unë do të pres Putinin në Turqi të enjten. Shpresoj këtë herët rusët nuk do të kërkojnë justifikime”, tha Zelenskyy, raporton Anadolu.
Mbrëmë, presidenti rus, Vladimir Putin, ftoi Kievin të rifillojë bisedimet e paqes në Turqi, të cilat u ndërprenë në mars të vitit 2022.
Të shtunën, Zelenskyy, së bashku me udhëheqësit nga Gjermania, Franca, Polonia dhe Mbretëria e Bashkuar, sugjeruan shpalljen e një armëpushimi 30-ditor duke filluar nga 12 maji.
Erdogan shprehet i gatshëm të pres bisedimet direkte Ukrainë-Rusi
