Shqiptarët dhe serbët që jetojnë ne pjesën veriore të vendit kaluan periudha të vështira.
Ndërsa sot situata duket krejtësisht ndryshe, e banorët po i shijojnë ditët me diell në sheshin kryesor të quajtur “Car Llazar”.
Por, Miodrag Miliçeviq nga shoqëria civile është shprehur i shqetësuar me krizat e vazhdueshme që po ndodhin në Mitrovicën e Veriut.
Prandaj ai po shprehet skeptik se do të arrihet një marrëveshje mes Kosovës dhe Serbisë gjatë Pranverës.
“Më vjen mirë që tani kemi një situatë më të qetë, por fatkeqësisht nuk e di se sa të do të zgjas. Duke parë se çfarë krize ishte ditë më parë, unë mbetem skeptik se do të arrihet një marrëveshje mes palëve gjatë pranverës. Tani i takon komunitetit ndërkombëtar që të bëjë një punë serioz dhe përmes diplomacisë t’i bind palët që të ulen në tavolinën e bisedimeve. Banorët serb ndjehen disi të zhgënjyer për shkak se disa nga kërkesat e tyre nuk po zbatohen. Po e përsëris edhe njëherë, duhet shumë më shumë përkushtim nga komuniteti ndërkombëtar që të evitohen kriza të tilla në të ardhmen”, tha Miodrag Miliçeviq, drejtor në organizatën “Aktiv”.
Por më optimist po shprehet, Zëvendës kryesuesi i Kuvendit Komunal në Mitrovicën e Veriut, Skënder Sadiku.
Pavarësisht tensioneve të larta mes dyja shteteve, Sadiku beson se palët janë afër një marrëveshje.
Tutje, Sadiku thotë janë qytetarët e thjeshtë ata që po dëmtohen më së shumti nga këto situata.
Ndërkaq disa qytetarë serb kanë paralajmëruar protestë të hënën kundër partisë Lista Serbe.
Protesta është caktuar për në ora 12:00 në qendër të pjesës veriore të Mitrovicës.
Kronika e gazetarit Shpat Blakçori.
