Dogana e Kosovës ka bërë të ditur se të martën në pikën kufitare të Merdarës është zbuluar një sasi e konsiderueshme produktesh kozmetike të padeklaruara, me vlerë rreth 1,600 euro.
Sipas njoftimit, pala nuk ka paraqitur dokumentacionin përcjellës për produktet, të cilat janë ndaluar përkohësisht deri në përfundimin e procedurave ligjore.
Ndërkohë, ndaj personit të përfshirë është inicuar procedurë për kundërvajtje doganore, në përputhje me Kodin Doganor dhe të Akcizës së Kosovës.
“Dogana e Kosovës vazhdon angazhimin për të parandaluar hyrjen e produkteve të pasigurta dhe të padeklaruara në treg, duke siguruar zbatimin e ligjit dhe mbrojtjen e konsumatorit”, thuhet në njoftim.
