Me t’u kthyer në Ukrainë tek ekipi i tij pas angazhimit me Kombëtaren e Kosovës, sulmuesi i krahut, Baton Zabërgja është shpërblyer te Metalisti.
Zabërgja është shpërblyer me çmimin “WhiteBIT”, i cili i ndahet futbollistit më të mirë të muajit te skuadra ukrainase.
Kështu që, Zabërgja është zgjedhur lojtari më i mirë për muajin shtator te skuadra e Metalist Kharkivit.
Në tri ndeshje të luajtura muajin e shkuar për ekipin e tij, në kampionat dhe Kupë, Zabërgja ka realizuar 3 gola dhe 2 asistime.
Në total, 25-vjeçari në sezonin aktual la 6 gola e 4 asistime për Metalistin, ekip ky është njëri prej lojtarëve kyç.
Zabërgja ka edhe nëntë paraqitje me Kosovën, ku së fundmi pati performancë të mirë në tri prej katër ndeshjeve të luajtura në Ligën e Kombeve.
