Dueli tjetër i fazës çerekfinale të play-offit në Superligën e Kosovës në basketboll, është ai ndërmjet Golden Eagle Yllit dhe Pejës.
Ndeshja e parë, luhet sot prej orës 19:00 në palestrën “13 Qershori” në Suharekë, ku Ylli pret përkrahje të madhe për ta mposhtur Pejën.
Ylli ka përparësinë e terrenit pasi stinorin e rregullt ka përfunduar i katërti në tabelë me 43 pikë, një më shumë se Peja që doli e pesta.
Në katër ndeshjet e luajtura mes veti përgjatë stinorit të rregullt, Ylli ka tri fitore dhe një humbje përball Pejës dhe vlerësohet favorit në fazën çerekfinale, ku dy fitore nevojiten për të avancuar në gjysmëfinale.
Po ashtu, Ylli ka treguar formë të lartë në xhirot e fundit pasi ka regjistruar gjashtë fitore rresht për t’u futur në garat e play-offit nga pozita e katërt.
Ndërkohë, në gjysmëfinalen tjetër, Sigal Prishtina po avancon 1:0 ndaj Vëllaznimit pasi triumfoi në duelin e parë të luajtur në kryeqytet me shifrat 71:69.
