Fundori nga Kroacia, Lovre Bashiq është përforcimi i parë i huaj për sezonin 2025/26 te KB Golden Eagle Ylli.
Klubi nga Suhareka, të mërkurën e ka zyrtarizuar Bashiqin që do të jetë pjesë e ekipit për sezonin e ri.
Bashiq i gjatë 190 centimetra ka karrierë të pasur në Evropë, pasi krahas Kroacisë ka luajtur edhe në Bosnjë e Hercegovinë, Lituani, Hungari e Belgjikë.
Sezonin e fundit, ai ishte pjesë e klubit kroat, Zabok dhe ka luajtur me një mesatare prej 10 pikëve, 5 asistimeve e 2 kërcimeve për ndeshje.
Para Bashiqit, Ylli ka transferuar edhe Erjon Kastratin kurse ka vazhduar bashkëpunimin me Lis Shoshin, Arian Qallakun, Artin Gashin e Gëzim Morinën.
Në krye të Yllit, do të jetë trajneri i mirënjohur nga Greqia, Fotis Takianos.
