Ylli i futbollit, Neymar Junior, mund të largohet nga klubi brazilian, Santos.
Neymar me Santosin ka kontratë deri në fund të këtij viti.
Mediumi brazilian “O Globo” ka shkruar se Santosi nuk është i interesuar që t’ia zgjasë kontratën ish-sulmuesit të Barcelonës dhe PSG-së.
Neymari i ka munguar Santosit në shtatë ndeshjet e fundit për shkak të lëndimit.
Këtë edicion ka gjashtë gola dhe tri asistime në 21 ndeshjet e zhvilluara në të gjitha garat.
33-vjeçari te Santosi u transferua në fund të muajit janar si lojtar i lirë.
Neymar synon të paraqitet në Kupën e Botës 2026 me Brazilin.
Paraqitja e fundit e Neymarit me Brazilin ka qenë më 18 tetor të vitit 2023.
Është raportuar se Inter Miami ka shprehur interesim që t’i sigurojë shërbimet e Neymarit.
Nëse realizohet ky transferimin, Neymari do të bashkohej me Lionel Messin dhe Luis Suarezin.
