Lamine Yamal do të jetë plotësisht i gatshëm për ndeshjen “El Clasico” që Barcelona e luan kundër Real Madridit në fund të këtij muaji.
Yamal që është jashtë fushe për shkak të lëndimit, do të rikuperohet me kohë dhe do t’i prijë sulmit të Barcelonës për ndeshjen e datës 26 tetor.
Te Barcelona kanë mirëpritur lajmin për rikthimin e Yamalit, duke pasur parasysh se të lënduar janë edhe Raphinha, Fermin Lopez, Gavi e Ter Stegen.
Në fakt, nëse gjithçka shkon sipas planit, atëherë Yamal do ti bashkohet Barcelonës në stërvitje më 18 tetor për të qenë në dispozicion për duelin kundër Olympiacosit që luhet tri ditë më vonë në kuadër të Ligës së Kampionëve.
Kështu që, Yamal pritet të jetë në fushë kundër Real Madridit për duelin që luhet në “Santiago Bernabeu”.
