Granit Xhaka është optimist i madh se Bayer Leverkuseni do ta sfidoj Bayern Munchenin për titullin e kampionit deri në fund të sezonit kur kanë mbetur edhe pesë ndeshje deri në fund.
Leverkuseni është kampion aktual dhe aktualisht zë vendin e dytë në tabelë me 63 pikë, gjashtë më pak se Bayerni që është lider dhe po synon ta rikthej titullin pas një sezoni.
Madje, Xhaka insiston se Leverkuseni nuk është dorëzuar dhe beson se mund ta mbrojë titullin e kampionit.
“Unë besoj se ne ende kemi gjasa për ta fituar titullin. Vetëm duhet ti fitojmë ndeshjet e mbetura deri në fund dhe pastaj të shohim. Shpresoj se 78 pikë mjaftojnë për titull dhe jam optimist i madh”, është shprehur Xhaka.
32-vjeçari këtë sezon ka shënuar 2 gola dhe ka asistuar 7 herë në 45 ndeshje të luajtura për Leverkusenin në të gjitha garat.
