Granit Xhaka i hapi letrat të hënën në mëngjes. Katër ditë më parë, një hetim ishte nisur kundër kapitenit të Zvicrës për një certifikatë të mundshme të falsifikuar Covid. Tani, Xhaka ka folur hapur dhe ka pranuar se ka blerë një certifikatë vaksinimi.
“Në atë kohë, personalisht isha shumë i pasigurt dhe kisha shqetësime serioze në lidhje me vaksinimin kundër Covid-19”, shkroi 33-vjeçari në një deklaratë në Instagram. “Ndjeja mosbesim të thellë ndaj vaksinës dhe isha i rrënuar nga frika dhe pasiguria. Në këtë gjendje të trazuar emocionale, bleva një certifikatë vaksinimi”
Sot, Xhaka pranon se ky hap ishte një gabim.
“Më vjen keq. Marr përgjegjësi dhe po bashkëpunoj plotësisht me autoritetet”, është shprehur Xhaka.
Federata Zvicerane e Futbollit (SFV) njoftoi se Xhaka nuk do të marrë pjesë në kampin e ardhshëm stërvitor të ekipit helvetik.
Ky vendim u mor bashkërisht në një diskutim midis Xhakës dhe menaxhmentit të SFV-së”, thuhet në deklaratë. Qëllimi është të qetësohet situata dhe të përqendrohet te ekipi.
Ekipi kombëtar zviceran, i cili mbërriti në një kamp stërvitor në Belek, Turqi, të hënën, do të fillojë katër ndeshjet e para të Ligës së Kombeve këtë të shtunë.
