Mesfushori Granit Xhaka është përfshirë në ekipin ideal të javës në Premier League të Anglisë.
Kapiteni i Sunderlandit, shkëlqeu në barazimin pa gola kundër Manchester Unitedit, duke u vlerësuar lart për paraqitjen e tij.
Në fakt, Xhaka u tregua i pakalueshëm për kundërshtarët dhe ndihmoi ekipin e tij të marrë një pikë të rëndësishme nga përballja me Unitedin.
Kështu që, Xhaka është vlerësuar me notën 8.8 nga faqja e specializuar “SofaScore”, e cila edhe e ka përfshirë në ekipin ideal të javës në Premier League.
Xhaka ka zënë vend në formacionin më të mirë të xhiros së 36-t të kampionatit anglez, ndonëse kjo nuk është aspak e habitshme duke pasur parasysh se këtë sezon ka shkëlqyer me fanellën e Sunderlandit.
Ai më herët është zgjedhur edhe futbollisti më i mirë i vitit te Sunderlandi, ekip me të cilin ka kontratë deri në vitin 2029 dhe për të cilin ka shënuar 1 gol e ka bërë 6 asistime në 34 paraqitje.
