Kryetari i Kuvendit të Republikës së Maqedonisë së Veriut, Talat Xhaferi, ka shprehur urimet e tij të përzemërta për Kosovën në 15-vjetorin e pavarësisë.
Ai përmes një njoftimi në Facebook e ka cilësuar vendimin historik, të shumëpritur dhe tej mase të guximshëm të qytetarëve kosovarë dhe Republikës së Kosovës.
Xhaferi në Facebook ka thënë se vizioni i burrështetasve Rugova e Jashari ishte rruga që gjeneratat e reja e ndjekin me devotshmëri.
“Shpreh urimet e mia të përzemërta me rastin e 15-vjetorit të marrjes së vendimit historik, vendimit aq të përgjegjshëm por njëherazi edhe të shumëpritur dhe tej masë të guximshëm të qytetarëve kosovarë dhe Republikës së Kosovës! Vizioni i burrështetasve Rugova, Jashari, largpamësia, mençuria dhe vullneti i palëkundshëm për ndërtimin e një shteti të lirë dhe të pavarur ishte rruga që e trasuan dhe plot 15 vite e ndjekin me devotshmëri gjeneratat e reja, duke e kompletuar imazhin e Republikës së Kosovës bashkëkohore, demokratike, progresive dhe paqedashëse. I gëzofsh edhe shumë përvjetorë Kosovë, në paqe, mirëqenie dhe reflektim pozitiv dhe të respektueshëm në rajon dhe më gjerë”, ka shkruar ai./teve1.info./
