Mesfushori holandez me tipare sulmuese, Xavi Simons po bën presion drejt një transferimi te Chelsea, pasi po mungon edhe në stërvitje te skuadra e RB Leipzig.
Sipas gazetarit Fabrizio Romano, objektivi i mesfushës së Chelseat, Xavi Simons, ka munguar në stërvitje me RB Leipzig për shkak të bisedimeve për t’u bashkuar me Blutë.
“Xavi Simons nuk u stërvit me grupin e RB Leipzig të premten… dhe nuk pritet të jetë pjesë e skuadrës sot”, ka shkruar fillimisht Romano.
“Vendimi i tij është qartësisht i orientuar drejt transferimit te Chelsea, pasi fshiu Leipzig nga biografia e tij në Instagram”.
“Negociatat janë në faza të avancuara midis Chelseat dhe Leipzigut”, përfundoi eksperti i transferimeve.
Transferimi i holandezit t’i kushtojë Chelseat rreth 80 milionë euro, teksa lojtari mund të nënshkruaj një kontratë shtatëvjeçare.
