West Ham Unitedi është ekipi i fundit që ka shprehur interesim të madh për transferimin e Granit Xhakës.
Madje, thuhet se West Hami është i vendosur për ti mposhtur skuadrat tjera që janë në garë për mesfushorin 32-vjeçar, pasi tashmë ka bërë gati ofertën për shërbimet e tij.
West Hami është i gatshëm të ofrojë deri në 15 milionë euro, çmim që Bayer Leverkuseni po e kërkon për kartonin e Xhakës, i cili ka kontratë deri në vitin 2028.
Ditët e fundit, interesimi për Xhakën është rritur dukshëm, sidomos nga Sunderlandi, Interi e Fenerbahçe por në këtë garë nuk mungojnë as Crystal Palace, Nottingham Foresti, Fulhami, Juventusi e Milani.
Javën e shkuar, ekipi nga Arabia Saudite, Neom u tërhoq nga gara për Xhakën shkaku i kërkesës së Leverkusenit.
