Lëvizja Vetëvendosje, Qendra në Viti po pretendon se asamblistë të saj janë sulmuar fizikisht dhe ofenduar rëndë nga eksponentë të lidhur me kryetarin Sokol Haliti.
Sipas kësaj partie ngjarja ka ndodhur në përfundim të pjesës së parë të seancës së rregullt të asamblesë dhe sulmet janë drejtuar ndaj të gjithë asamblistëve.
Gjithnjë sipas VV në ambientet e Asamblesë ka ardhur Dren Haxhiu, djali i shefit të kabinetit, për të sulmuar fizikisht asambleistin Durim Sylejmani.
“Gjatë periudhës së njëjtë shefi i kabinetit të kryetarit të komunës Jakup Haxhiu, fyen rënd të gjithë asambelistët e Lëvizjes VETËVENDOSJE!. Po ashtu, fyerje të tilla kanë ardhur edhe nga Hysen Ymeri, Drejtues i Burimeve Njerëzore dhe vetë shefit të kabinetitit të Sokol Halitit, Jakup Haxhiu”, ka shkruar VV-ja.
Sipas kësaj partie, faktet tregojnë që ngjarja ka qenë e sinkronizuar në mes të njerëzve kryesor të kryetarit Haliti.
“Lëvizja VETËVENDOSJE!, Qendra Viti, përmes asambleistëve ka denoncuar rastin në Polici, duke besuar në reagimin dhe marrjen e masave të duhura dhe ruajtjen e përfaqësuesve të qytetarëve, nga këto grupe”.
