Një person është vrarë të hënën mbrëma në fshatin Balaj të Ferizajt.
Rasti është konfirmuar nga Policia e Kosovës, të cilët kanë bërë të ditur se viktima është një 40-vjeçar.
Zëdhënësi i Policisë për rajonin e Ferizajt, Kanun Veseli, ka thënë se një person është arrestuar si i dyshuar për këtë rast dhe është konfiskuar një armë zjarri.
“Më datën 15.09.2025, rreth orës 19:42, kemi pranuar një informatë se në fshatin Balaj të Ferizajt ka ndodhur një vrasje. Viktimë është një person mashkull, i moshës rreth 40 vjeç. Policia ka arrestuar të dyshuarin dhe ka sekuestruar një armë zjarri”, ka njoftuar Veseli për teve1.info.
Ai tha se rasti është duke u hetuar nga njësitë relevante, nën udhëheqjen e prokurorit të shtetit.
