Mbrëmë, rreshteri policor Muhamet Lika është qëlluar për vdekje me armë zjarri, në hyrje të banesës së tij në qytetin e Kaçanikut.
Kryetari i këtij qyteti, Besim Ilazi i ka shprehur ngushëllime familjarëve dhe Policisë së Kosovës.
Përmes një postimi në Facebook, kryetari është deklaruar se është tronditur nga ngjarja me humbjen e jetës së këtij zyrtari, i cili në të kaluarën ka qenë edhe ushtar i Ushtrisë Çlirimtare të Kosovës.
“Të tronditur nga ngjarja e fundit tragjike në Kaçanik, ku humbi jetën polici, veterani i Ushtrisë Çlirimtare të Kosovës, Muhamed Lika. Me këtë rast në emër tim dhe të institucioneve komunale, ndajmë ngushëllimet më të sinqerta për familjen, miqtë, kolegët nga Policia e Kosovës dhe gjithë qytetarët e Komunës së Kaçanikut e mbarë Kosovës. Lutemi që raste të tilla të mos përsëriten asnjëherë, e shpirti i tij pushoftë i qetë në paqen e paskajme”, shkruan ai.
Ndërkohë, për teve1.info nga Policia e Ferizajt kanë bërë të ditur se akoma nuk ka persona të arrestuar lidhur me vrasjen./teve1.info/
