Futbollisti i Kombëtares së Kosovës, Mërgim Vojvoda do të jetë startues te Udinese në ndeshjen kundër Torinos.
Kjo përballje luhet sonte nga ora 20:45, ndërsa kjo ndeshje e mbyllë xhiron e gjashtë të kampionatit italian – Serie A.
Si Torino ashtu edhe Udinese kanë tubuar nga katër pikë dhe të dy skuadrat synojnë fitoren në këtë ndeshje që pritet të jetë interesante.
Sipas mediumeve në Itali, është pikërisht Vojvoda, ai që mund ti shkaktojë probleme Torinos në krah dhe pikërisht futbollisti kryesor pritet të jetë rreziku më i madh për ekipin vendas.
Në sezonin aktual, Vojvoda ka 5 ndeshje të luajtura në Serie A dhe është ndër më të vlerësuarit te Udinese, ekip të cilit iu bashkua verën e fundit nga skuadra e Comos.
Vojvoda e njeh mirë Torinon pasi aventurën në futbollin italian e ka nisur pikërisht te kjo skuadërpër të cilën ka luajtur prej verës së vitit 2020 deri në fillim të vitit 2025.
