Ulëset e rezervuara për delegatë, jo të gjitha u mbushën.
Dy nga figurat më kryesore të Lidhjes Demokratike, Avdullah Hoti e Hykmete Bajrami, s’u panë në mbledhjen e Këshillit të përgjithshëm këtë të shtunë, ku u votua një vendim goxha i rëndësishëm për partinë.
Këshilli vendosi që në garën zgjedhore, Abdixhiku të jetë kandidat për kryeministër, e Vjosa Osmani, për presidente.
Madje kësaj të fundit iu dha edhe numri i parë në listë.
E veç si prijëse e listës, Vjosa Osmani do të jetë vetë e 20-ta në listën prej 110 kandidatëve për deputetë.
Bashkimin me Vjosa Osmanin e pranoi se s’mund ta ndjejnë të gjithë njësoj, por tha se do e respektojnë të gjithë.
Këtë e tha pasi u pyet konkretisht për mungesën e Hotit e Bajramit.
Abdixhiku i mirëpriti në listë edhe ish-deputetët e grupit parlamentar të Vetëvendosjes që së fundmi u rreshtuan tek Vjosa Osmani, teksa lista e plotë tha se do të bëhet publike më së largu të martën.
