Policia e Kosovës ka raportuar dy vjedhje të rënda që ndodhën të shtunën, në dy xhami lokale në komunat e Fushë-Kosovës dhe Ferizajt.
Në Fushë Kosovë, persona të panjohur kanë hyrë me forcë përmes një dritareje në zyrën e një xhamie dhe kanë vjedhur 130 euro para të metalta dhe dy orë dore.
“Raportohet se persona të panjohur me përdorim force përmes një dritareje kanë depërtuar në një zyrë të objektit fetar (xhamisë), dhe nga ty kanë vjedhur 130 euro para të metalta dhe dy orë dore. Rasti është duke u hetuar”, thuhet në raportin 24-orësh të Policisë.
Ndërkohë, në Ferizaj, është raportuar një vjedhje në xhaminë e madhe të qytetit, ku autorët dyshohet se kanë vjedhur dy pompa termike dhe një stabilizator të gjeneratorit.
“Është raportuar se persona të panjohur dyshohet se në objektin fetar (xhaminë e madhe) kanë vjedhur dy pompa termike dhe një stabilizator të gjeneratorit. Rasti është duke u hetuar”, ka njoftuar Policia.
Hetimet për të dyja rastet janë duke vazhduar./teve1.info/
