Ishte ora 12:00 e mesditës kur ministri i Administrimit të Pushtetit Lokal, Elbert Krasniqi, arriti në Leposaviq.
Të befasuar me vizitën e tij, protestuesit serbë që po qëndronin para objektit komunal, eskaluan në veprime të dhunshme.
Përkundër tentimeve për ta ndaluar hyrjen e ministrit Krasniqi në objektin e komunës, nuk ia dolën.
Por, përgjatë kohës sa ai po qëndronte në takim me kryetarin e Leposaviqit, Lulzim Hetemi, grupet kriminale nisën mobilizimin.
Atyre po u printe ish-kreu i kësaj komune, Zoran Todiq dhe ish deputeti i Listës Serbe, Sllavko Simiq.
Se situata mund të dilte totalisht jashtë kontrollit u nuhat edhe nga KFOR-i hungarez.
Tre eprorë për tri herë radhazi tentuan t’i bindnin udhëheqësit e protestës që të lejohej largimi i Krasniqit pa ndonjë ekses.
Por, pa sukses.
Pas disa orësh, vendoset që nën masa të rrepta të sigurisë, ministri të largohet nga komuna.
Fillimisht për të ndodhur një gjë e tillë, po bëhen përgatitjet e nevojshme.
Veturat me targa RKS, kallashnikovë brenda tyre dhe gjithçka tjetër po bëheshin gati për këtë mision.
Me të dalë nga komuna, nisi të realizohej ajo që ishte planifikuar.
Grupe të maskuarish serbë, nën urdhrat e Sllavko Simiq, nisën sulmet ndaj gazetarëve.
Nëntë gazetarë të medieve kosovare, mes tyre edhe kameramani i Tëvë1, Albin Rrahmani u lënduan rëndë nga gurët dhe shok bombat që u hodhën ndaj tyre.
Të gjithë këta për disa orë qëndruan nën strehimin e Njësisë Speciale të Kosovës, në stacionin e Leposaviqit, për të marrë fillimisht trajtimin mjekësor.
E të njëjtit u larguan nën masa të rrepta të sigurisë nga po ashtu Policia e Kosovës.
Kronika e gazetarit Arton Rama.
