Sulmuesi i Real Madridit, Vinicius Junior me anë të një postimi në rrjetet sociale, ka kërkuar falje publike për veprimin e tij në “El Claisco”.
Real Madridi vikendin e shkuar mposhti Barcelonën 2:1, ndërsa Viniciusi bëri një gjest të pahijshëm kur u zëvendësua nga trajneri Xabi Alonso.
Ai u zëvendësua në minutën e 72-të përkundër paraqitjes së mirë në fushë, por derisa po largohej drejt dhomave të zhveshjes, braziliani bëri gjeste për të treguar haptazi pakënaqësinë e tij me vendimin e trajnerit Alonso.
Në postimin e tij, Vini u ka kërkuar falje të gjithë madrilenëve, duke thënë se veprime të tilla bën edhe në stërvitje pasi karakteri i tij është konkurrues dhe gjithmonë dëshiron të jap më të mirën nga vetja për klubin.
“Premtoj të vazhdoj të luftoj çdo sekond për të mirën e Real Madridit, siç kam bërë që nga dita e parë”, ka përfunduar postimin e tij, Vini Jr.
