Në fundjavë zhvillohet xhiroja e shtatë në Superligën e Kosovës në basketboll.
Dita e shtunë na përjell me dy sfida.
Peja që numëron gjashtë fitore në gjashtë ndeshje të zhvilluara, do të sfidohet nga Rahoveci, ku Vreshtarët kanë një fitore e pesë humbje. Kjo përballje njëherësh është mes vendit të parë dhe të fundit të Superligës. Dueli zhvillohet në palestrën “Karragaqi” të Pejës me fillim të ores 17:00.
Nga ora 19:00 një tjetër përballje interesante dhe e barabartë shihet ndërmjet Sigal Prishtinës dhe Ponte Prizrenit. Prishtinasit kanë katër fitore e dy humbje, ndërsa prizrenasit e Arbnor Rifatit kanë tri fitore e tri humbje.
E në ditën e Dielë ka dy duele tjera
Vëllaznimi pas fitores ndaj Ponte Prizrenit është motivuar dhe është në kërkim të fitores së tretë, megjithatë, do ta ketë shumë vështirë, pasi përballet me Trepçën, një nga skuadrat më të përforcuara në këtë edicion me lojtarë vendorë dhe të huaj. Kuqezinjtë kanë dy fitore e katër humbje, ndërsa mitrovicasit kanë katër fitore e dy humbje. Ndeshja fillon nga ora 17:00 në palestrën “Shani Nushi”
Takimi i fundit i kësaj xhiro është me fillim të ores 19:00 është mes Golden Eagle Yllit dhe Bashkimit. Ylli është në kërkim të fitores së tretë radhazi në elitë pas katër humbje, ndërsa prizrenasit kërkojnë këndelljen pas largimit të trajnerit Darko Raduloviq. Të dy skuadrat kanë nga dy fitore e katër humbje.
