Një person ka pësuar lëndime të rënda si pasojë e një aksidenti trafiku që ka ndodhur mbrëmë në fshatin Prugovc të Prishtinës.
Sipas Policisë, rasti ka ndodhur më 3 tetor, rreth orës 20:36, ku një shofer dyshohet se, duke mos iu përshtatur kushteve të rrugës, ka goditur me veturë një këmbësor.
Viktimës i është ofruar tretman mjekësor në vendin e ngjarjes, ndërsa për shkak të lëndimeve të rënda është dërguar për trajtim të mëtejmë në QKUK në Prishtinë.
Rasti po hetohet nga njësitet përkatëse.
