Pak ditë pasi shkëputi kontratën me Molden, sulmuesi Veton Berisha është bërë me skuadër të re.
Berisha karrierën do ta vazhdojë në Norvegji, pasi është kthyer te Vikingu, ekip tek i cili ështrë prezantuar të martën.
31-vjeçari është vëllai i Valon Berishës, ndërsa me skuadrën e Vikingut ka firmosur kontratë dyvjeçare.
Berisha kthehet për herën e tretë te Vikingu, ekip për të cilin ka luajtur në dy periudha të ndryshme: prej vitit 2011 deri në vitin 2015 dhe nga viti 2020 deri në vitin 2022.
Ai karrierë në Norvegji ka bërë edhe te Branni, ndërsa ka luajtur edhe për Hammarbyn e Suedisë, Rapidin e Vjenës dhe Greuther Furthin në Gjermani.
Këtë sezon, Berisha ka shënuar 7 gola dhe ka bërë dy asistime në 12 paraqitje për Molden.
