Autore: Adea Mustafaj
Në vetëm tre muaj, në Kosovë u mbajtën dy palë zgjedhje, ato lokale dhe parlamentare.
Në këto zgjedhje ajo që bie në sy është se partitë politike nuk performuan njëjtë.
Lëvizja Vetëvendosje, që në zgjedhjet e lokale fitoi në shtatë komuna, në zgjedhjet e djeshme fitoi në plot 24 qytete të Kosovës.
Për analistin Melazin Koci, kjo ndodhi për shkak se logjika e votimit dallon nga zgjedhjet lokale dhe parlamentare.
“Në zgjedhjet nacionale kemi sistemin proporcional, pra Kosova është një zonë dhe dominon lista lidhja ripartiak që prin, në rastin e zgjedhjeve lokale Kosova është e ndarë në zona dhe qytetari voton me një logjikë tjetër, do të thotë e njeh kandidatin, mund ta njohë nga lagjja e tij, mund të jetë i afërm i tij, mund të jetë mik i tij dhe prandaj vetëm në këtë formë mund të shpjegohet disparanca ndërmjet rezultateve në nivel lokal dhe në nivelin qendror”, është shprehur Koci.
Ndonëse në zgjedhjet lokale, Vetëvendosje nuk arriti ta marrë Prishtinën, mbrëmë kryeqytetin e fitoi me 53 për qind të votave.
“Kështu ka qenë edhe para katër pesë vitesh. Pas fitores së vitit 2021 të Vetëvendosjes në nivel qendror bindëse, do me thënë 51, në zgjedhjet lokale pasuese pas shtatë tetë muajsh Vetëvendosja kishte fituar vetëm tre komuna dhe ishte disfatë e Vetëvendosjes, por kjo nuk kishte të bënte me rënien e popullaritetit të Vetëvendosjes, por me një logjikë tjetër që dominon në zgjedhjet lokale. Edhe në rastin e Prishtinës kësaj radhe kemi fitore të dy mandateve të zotit Përparim Rama dhe disfatë të Vetëvendosjes, është e njëjta logjikë”, vlerëson Koci.
Në 9 prej komunave ku doli e para, Vetëvendosje fitoi me 60%, kurse 16 të tjera me mbi 50%.
