Vetëmenaxhimi i komunitetit serb është emërtimi i ri të cilën kryeministri Albin Kurti, po e përdorë në vend të Asociacionit të Komunave me Shumicë Serbe.
E sipas emisarit të BE-së për dialogun, Miroslav Lajcak, vetëmenaxhimi, i paraparë me pikën 7 të Planit Evropian ka të bëjë Asociacionin.
Por, kësaj deklaratë i është kundërpërgjigjur kryeministri i vendit, Albin Kurti.
Ndërsa Kurti e Lajçak ndajnë mendime të ndryshme rreth vet-menaxhimit, edhe partitë opozitare nuk e kanë të qartë se çfarë nënkupton vetëmenaxhimi.
Deputetja nga Lidhja Demokratike e Kosovës, Rrezarta Krasniqi ka thënë se për LDK-në është e njëjta me Asociacionin, por i është ndryshuar emri.
Kurse nga Aleanca për Ardhmërinë e Kosovës thonë se nëse është asociacion, ai duhet të formohet pa i dhënë kompetenca ekzekutive.
Deputetja Time Kadriaj, thotë se po tentohet të ndryshohet emri.
Televizioni ka provuar të marrë një qëndrim edhe nga Partia Demokratike e Kosovës mirëpo të njëjtit nuk kanë dashur të komentojnë. Çështja e marrëveshjes dhe aneksit të zbatimit, pritet të diskutohet të enjten në Kuvendin e Kosovës.
Kronika e gazetares Fetije Kamberi.
