Dy persona janë lënduar si pasojë e një vetaksidenti në Autostradën “Ibrahim Rugova” në afërsi të hyrje-daljes për Malishevë.
Zëdhënësi i Policisë së Kosovës, Daut Hoxha për teve1.info tha se lënduarit janë dërguar për trajtim mjekësor në Prizren.
“Sot me datë 11.03.2024 rreth orës 14:50 në Autostradën “Dr. Ibrahim Rugova ,, KM-42 drejtimi Vermicë –Gjergjice në afërsi të Hyrje daljes Malishevë është shkaktuar një aksident trafiku (vetë- aksident) ku një automjet me tabela vendore është aksidentuar në mbrojtëset e rrugës. Ndihmë mjekësore kane kërkuar dy persona. Ekipi i hetimeve të aksidenteve te trafikut nga Njësia për Kontroll në Autostradë ka dal në vendin e ngjarjes për të hetuar shkaqet e aksidentit. Dy personat e lënduar janë derguar për trajtim mjeksor në Prizren.”, tha ai.
Derisa është apeluare për kujdes të hstuar të pjesëmarrësve në trafik gjatë periudhave kur ka reshje shiu.
“Apelojmë tek të gjithë pjesmarrsit në trafik në veqanti tek shoferët e automjeteve që të jenë vigjilent gjatë ngasjes, posqerisht kujdes të shtuar të kenë gjatë periudhave kur kemi reshje atmosferike kur zvogelohet dukshmeria dhe rrugët bëhen të rreshqitshme. Policia e Kosovës me njesitet e saj po ndermerr veprime aktive ne menaxhimin e trafikut dhe parandalimin e aksidenteve duke angazhuar njesitet relevate te saj ne funksion të zbatimit të ligjit dhe rregullave në trafikun rrugor”, shtoi ai./teve1.info./
