Ushtaraku i pensionuar, njëherësh ish-kolonel i Forcës së Sigurisë së Kosovës, Afrim Veseli, tha se vizita e sotme e sekretarit të përgjithshëm të NATO-s, Jens Stoltenberg është mesazh se Kosova nuk është vet në këtë kohë të sfidave të sigurisë dhe mbrojtjes.
“Vizita e sekretarit të NATO-s është domethënëse dhe pozitive. Shpreh përkushtimin e NATO-s, që Kosova dhe regjioni, Ballkani Perëndimor ta ketë paqen. Për Kosovën është një mesazh i fuqishëm që Kosova nuk është vet në këtë kohë të sfidave të sigurisë dhe mbrojtjes në përgjithësi në Ballkan, Evropë dhe në botë”, tha Veseli në emisionin “Ditari” në Tëvë1.
Sipas Veselit, situate e sigurisë në Ballkan nuk është e mirë në aspektin e sigurisë, pasi sipas tij, po sfidohet nga Republika e Serbisë.
“Situata e sigurisë në Ballkan nuk është e mirë, shtetet e Ballkanit po sfidohen vazhdimisht në aspektin e sigurisë. Mali i Zi, Kosova, Maqedonia poashtu ka pasur problem, Kroacia në njëfarë forme, Bosnje e Hercegovina me të madhe. Dhe të gjitha këto vende të Ballkanit Perëndimor po sfidohen nga një shtet i vetëm nga Republika e Serbisë”, shtoi ai./teve1.info./
Stoltenberg thotë se kanë shtuar forcat për të parandaluar ndonjë sulm si ai në Banjskë
