Janë renditur para dyerve të oborrit për të pritur mysafirët.
Kjo pasi para shtëpisë së ish-Komandantit të Përgjithshëm të UÇK-së Azem Syla, do të bëhet zbulimi i pllakës së nderit.
Në këtë organizim të Shoqatës së të burgosurve politikë dhe Shoqërisë Lëvizja, përveç qytetarëve morën pjesë edhe figura të larta kombëtare dhe politike.
I pari që hapi këtë ceremoni ishte kryetari i Drenasit, Ramiz Lladrovci, i cili ndau momente që kishte kaluar së bashku me komandantin gjatë luftës.
E Xhavit Haliti tregoi që në çdo hap ka qenë afër Azem Sylës.
I pranishëm ishte edhe Ali Ahmeti, ish-përfaqësues politik i UÇK-së.
Ai u shpreh i lumtur që po vendosen pllaka përkujtimore për tu kujtuar veprat e veprimtarëve shqiptarë.
Nga Shoqëria Lëvizja, Azem Sylës iu dhurua edhe mirënjohje.
Me lot në sy, ai u shpreh mirënjohës ndaj familjarëve të tij.
Pas këngëve që u kënduan, i erdhi koha edhe zbulimit të pllakës në prani të dhjetëra qytetarëve.
