Persona të panjohur kanë tentuar ta bllokojnë një rrugë afër pikës kufitare të Bërnjakut që lidh Kosovën me Serbinë, më saktësisht në Banjë të Zubin Potokut
Siç ka bërë të ditur policia, disa drunj dhe një mjet artizanal me gozhda që shërben për dëmtim të gomave, janë vendosur në një rrugë dytësore afër kësaj pike.
Policia ka intervenuar me kohë dhe i ka larguar këto pengesa. Teksa rasti po hetohet.
“Është raportuar se në një rrugë dytësore afër pikës kufitare Bërnjakë janë vendosur disa pengesa (drunjë) si dhe në një pusetë të rrugës ishte vendosur një mjet artizanal i përbërë me gozhda që shërben për dëmtim të gomave të automjeteve. Njësit policore kanë dal në vendin e ngjarjes dhe i kanë larguar pengesat. Me vendim të prokurorit rasti vazhdon të hetohet”, thuhet në njoftimin e PK-së.
