Pierre-Emerick Aubameyang njoftoi të martën rikthimin e tij në kombëtaren e Gabonit, pasi kishte njoftuar saktësisht një vit më parë përfundimin e karrierës së tij ndërkombëtare.
“Pak ditë më pare, pata nderin e madh të isha pranë Presidentit të Republikës së vendit tim, Ali Bongo Ondimba, dhe të dëgjoja fjalët e mençura që ai më përcolli, si një baba që flet me djalin e tij,” e nisi mesazhin në rrjetet sociale sulmues aktual i Celsea-t.
“Prandaj, e vë veten në dispozicion të vendit tim dhe të trajnerit Patrice Neveu”, shtoi Auba.
Sulmuesi 33-vjeçar i Chelsea-t, i cili debutoi me Gabonin më 28 mars 2009, ka shënuar 30 gola në 72 ndeshje për kombëtaren e tij.
Duhet theksuar se skuadra e Gabonit kryeson Grupin I në kualifikueset e Kupës së Kombeve të Afrikës (CAN), me 7 pikë, një më shumë se Sudani i vendit të dytë. Mauritania (5 pikë) dhe Republika Demokratike e Kongos (4 pikë) kompletojnë grupin
