Një person si pasojë e plagëve të marra në vendin e punës, ka ndërruar jetë pasditen e djeshme në fshatin Koretin të Kamenicës.
Viktima është dërguar në Qendrën Kryesore të Mjekësisë Familjare në Kamenicë, e më pas është transferuar në Spitalin e Gjilanit, ku sipas mjekëve kujdestar viktima është sjellë pa shenja jete.
Policia e Kosovës ka bërë të ditur se lidhur me rastin një person i dyshuar është intervistuar, ku më pas i njëjti është liruar në procedurë të rregullt.
Ndërsa, me urdhër të prokurorit kujdestar trupi i pajetë i viktimës është dërguar për në IML në Prishtinë.
Ky rast nga Policia është iniciuar “Rrezik i sigurisë në vendin e punës”.
“Koretin, Kamenicë 08.04.2023 – 13:00. Viktima mashkull kosovar është dërguar në QKMF për tretman mjekësor, pasi që ishte lënduar në vendin e tij të punës. Viktima është transferuar në Spitalin e Gjilanit, dhe sipas mjekut, i njëjti është pa shenja jete. Njësitë përkatëse janë duke hetuar rastin. Lidhur me rastin është intervistuar i dyshuari mashkull kosovar dhe i njëjti është liruar në procedurë të rregullt. Me urdhër të prokurorit kujdestar trupi i pa jetë i viktimës është dërguar për në IML në Prishtinë”, thuhet në raportin 24-orësh të PK-së. /teve1.info/
