Një person është gjetur pa shenja jete, sot në vendin e tij të punës brenda kompleksit industrial “Trepça”.
58-vjeçari dyshohet se ka rënë nga një lartësi e objektit. Kështu ka thënë për teve1.info, zëdhënësi i Policisë për Rajonin e Mitrovicës, Avni Zahiri.
Zahiti tha se hetuesit policor me autorizim të prokurorit kanë nisur hetimet për identifikimit dhe zbardhjen e rrethanave të rastit.
Ndërsa, me urdhër të prokurorit trupi i pajetë është dërguar në IML për obduksion.
Ky rast në Policinë e Kosovës është cilësuar si vdekje e dyshimtë.
“Vdekje e dyshimtë Mitrovicë, 03 prill 2023 Sot, rreth 07:00, Policia ka pranuar informatën se në vendin e tij të punës brenda kompleksit industrial ” Trepça” është gjetur pa shenja jete viktima mashkull 58 vjeçar. Bazuar në hetimet fillestare dyshohet se viktima ka rënë nga një lartësi e objektit. Hetuesit policor me autorizim të prokurorit kanë nisur hetimet për identikfikimin dhe zbardhjen e rrethanave të rastit. Me urdhër prokurorit trupi i pa jetë dërgohet në IML për obduksion”, tha Zahiti. /teve1.info/
