Një foshnje nëntë muajsh nga Suhareka ka vdekur të premten në QKUK, kjo pasi që derisa ka qenë në djep (në gjumë) është ngulfatur nga lidhësja e djepit.
Kështu ka konfirmuar për tëvë1.info, zëdhënësi i policisë për rajonin e Prizrenit, Shaqir Bytyqi, i cili tha se fillimisht foshnja ka pranuar trajtim mjekësor në Spitalin e Prizrenit, e më pas është transferuar në QKUK.
“Më datë 29.06.2025, Policia e Kosovës është njoftuar se në Emergjencën e Spitalit Rajonal të Prizrenit është sjellë një foshnje 9 muajshe për trajtim mjekësor. Sipas informatave, foshnja H.M. (2024), nga fshati Gjinoc, Komuna e Suharekës, derisa ka qenë në djep (në gjumë), është ngulfatur nga lidhësja e djepit. Foshnja, pasi ka pranuar trajtimin mjekësor në Spitalin Rajonal të Prizrenit, është transferuar në QKUK, Prishtinë, për trajtim të mëtutjeshëm. Më datë 11.07.2025, Policia e Kosovës ka pranuar informacionin se foshnja e lartcekur ka ndërruar jetë”, ka deklaruar Bytyqi./teve1.info/
