Një nga një po i pret për kryeshëndoshë.
Këtë të enjte, në hollin e Kuvendit të Kosovës, u bënë homazhe për ish-kryeministrin e Kosovës në mërgim, Bujar Bukoshi.
Për të nderuar figurën e tij, aty erdhën një numër njerëzish, përfshirë dhe figura politike.
Kryetari i PDK-së, Memli Krasniqi, tha se kishte nderin të bashkëpunonte me të gjatë vitit 2011.
“Unë kom pas rastin që të bashkëpunoj me të edhe drejtpërdrejt në qeverinë Thaçi 2, ku ai ka qenë zëvendëskryeministër dhe e kujtoj gjithmonë nga ky bashkëpunim dhe nga kjo përvojë e drejtpërdrejt si një njeri me mendje të shquar politike të matur dhe gjithmonë në shërbim të qytetarëve dhe të Republikës së Kosovës”, tha kryetari i PDK-sw, Memli Krasniqi
E nga LDK thanë se Bukoshi shquhet për kontributin e dhënë në shtetndërtim.
“Mbahet mend si kryeministër i i parë i Republikës së Kosovës, që ka dhënë një kontribut të jashtëzakonshëm nga ekzili duke organizuar gjithë sistemin e organizmit në atë kohë një organizim të vështirë të ekzistencës së një ideali për një shtet të Kosovës” , tha deputetja e LDK-sw, Jehona Lushaku –Sadriu.
Fjalë të mëdha për ish-kryeministrin në mërgim, patën edhe shokët dhe bashkëpunëtorët e tij.
“Ky gjithherë me dijen e tij, me guximin e tij në tërë Evropën edhe më gjerë deri në SHBA e ka prezantuar Kosovën si Republikë , njëherësh ka treguar për të gjitha krimet dhe masakrat e Serbisë që ka kryer në Kosovë”, tha Ismet Salihu – profesor.
“Dr.Bukoshi ka qenë në shtëpinë time në odë time, me djalin e Rugovës, me Ukën patën bërë një parti të vete i kom pas mysafir në fushatë në odën time, ka pas fjalë shumë të mira”, tha Bajram Sopa qytetar.
E pas përfundimit të homazheve, familjarët vazhduan për ceremoninë e varrimit në Velani.
Aty pjesëmarrës ishte edhe kryeministri në detyrë, Albin Kurti, i cili pati disa fjalë për të.
“Unë personalisht doktor Bujarin e kam takuar për herë të parë në jetë, në moshën time 10 vjeçare. Ka qenë viti i largët 1985 atëherë kur prindërit e mi patën organizuar një ndejë për mjekët që kishin përfunduar me sukses operacionin e babait tim në spitalin e Prishtinës pas shpërthimit të idhzës. Kurrë nuk e harroj admirimin që e kishin prindërit e mi për dr.Bujarin e doktoreshën Zanën, por unë njëhkosisht kisha edhe një admirim shtesë, sa fëmijëror ndoshta edhe kombëtar, më pëlqenin emrat e këtyre dy doktorëve, që prindërit e mi i admironin si profesionist të shquar shqiptar, Bujar dhe Zana”, tha Kurti.
Me nderime të larta shtetërore, dr.Bujar Bukoshi u varros për në banesën e fundit.
