Xhamia dhe oborri i fshatit Topanicë të Kamenicës, nuk po i zënë të prashmit këtë të shtunë.
Mijëra persona ia kanë mësyer varrezave të familjes Morina, për të marrë pjesë në ceremoninë e varrimit të Jetmirit, i cili humbi jetën aksidentalisht dy ditë më parë.
Të mërkurën mbrëma derisa po kthehej për në banesë, 30 vjeçari ishte duke biseduar në telefon me nënën e tij, në momentin kur haset në një vetëaksident në njërën nga autostradat në afërsi të Cyrihut në Zvicër.
Në momentin kur del nga makina për të ndihmuar, ai përplaset nga disa makina të tjera, duke i sjellur plagë vdekjeprurëse.
Për tiparet e të riut të diplomuar si mjek, të pranishmëve po ua tregon imami Muhamed Dërmaku.
Ai po flet për kohën sa Jetmiri ishte nxënës i tij në Medresen Alaudin.
Jetmir Morina, jetonte në Zvicër për gjashtë vite. Krahas kësaj, në vitin 2020, diplomoi në Fakultetin e Stomatologjisë në Universitetin e Prishtinës.
Pas vetës la tre vajza.
Kronika e realizuar nga gazetari Arton Rama
