Kapiteni i Liverpoolit, Virgil Van Dijk raportohet se është futur në bisedime për një largim të mundshëm nga ‘Anfield’ gjatë verës.
Pasditen e së shtunës, Van Dijk e udhëhoqi Liverpoolin drejt një fitoreje me rezultat 2-0 në udhëtim ndaj Brentfordit, falë dy golave nga Darëin Nunez.
Si rezultat, Liverpooli nga tashmë ka një epërsi prej gjashtë pikësh në krye të Ligës Premier, pasi Arsenali dështoi të fitojë në shtëpi ndaj Aston Villas.
Por, përkundër këtij fillimi premtues, tifozët e Liverpoolit janë të shqetësuar për të ardhmen e disa prej lojtarëve kryesor.
Van Dijk, së bashku me Mohamed Salah dhe Trent Alexander-Arnold, mund të largohen falas nga Liverpooli pas përfundimit të sezonit.
Tani, është raportuar se agjenti i holandezit është takuar me presidentin e një klubi për të diskutuar transferimin e tij të mundshëm atje.
Siç ka raportuar The Mirror, agjenti i Van Dijk është takuar me presidentin e Al Hilalit, Fahad bin Nafel në Londër.
“Gazetarët nga Lindja e Mesme janë në gjendje të spekulojnë se Van Dijk po e konsideron kalimin tek Al Hilal këtë verë”.
“Al Hilali raportohet se po e dëshiron atë para nisjes së Kupës së Botës për Klube që do të mbahet në Amerikë”, thuhej në raport.
Përveç Van Dijk, Salah po ashtu është lidhur me një kalim në Lindjen e Mesme teksa Alexander-Arnold tash e sa kohë është bërë objektiv i Real Madridit.
