Për produktet ushqimore që Nexhmi Rexhepi mori sot pagoi më pak.
Kjo pasi që është shënuar një ulje e lehtë e çmimeve në Tregun e Gjelbër të Prishtinës në prag të Festës së Fitër Bajramit.
Specat që dikur kishte marr me një çmim prej 5 eurove sot i mori thuajse përgjysmë më lirë.
“I kam parë sot që specat qenkan liruar,nga 5 euro kanë rënë në 3 euro. Natyrisht që është një shenjë e mirë se këta kanë qenë më shtrenjtë se në krejt Evropën, tregu i Kosovës i Prishtinës shumë më shtrenjtë se në Holand”, tha konsumatori Nexhmi Rexhepi.
E më një ngritje të tillë të çmimeve është përballur edhe ky qytetar kaherë.
Konsumatori Mirsad Mulla, thotë se për nder festës së Bajramit edhe shitësit duhet të jenë më dorë lëshuar.
“Gati 50% më shumë se sa u kanë para ramazanit kanë qenë. Sidomos domatet trangujt, specat, specat 5 euro kurrkund në botë nuk ka, po i blejnë me 1.50 e po i shesin pesë euro”, tha konsumatori tjetër.
“Unë i kisha lutur që këtë që nuk kanë e janë skamnor edhe për qytetarët që sado pak me pas mëshirë ndaj tyre e me liru pak çmimin”, tha ai.
Se xhepin e qytetarit e rëndon ky shtrenjtim i produkteve ushqimore e thotë edhe kjo qytetare.
“Krahasuar çmimet e maketit dhe të tregut ka rritje të çmimeve. Në këto festa duhet pak me pas mos ngritje të çmimeve ose një ngritje të vogël, por çmimet janë të rritura”, tha qytetarja Hasije Sejdiu.
Ani pse çmimet në fillim të muajit të ramazanit kanë qenë të ngritura , sot situata nuk është e njëjtë.
Këtë e konfirmoj edhe një tregtar.
“Ngritje të çmimeve nuk ka, ka pas në fillim të ramazanit por tash janë pak më lirë, por prapë janë shtrenjtë. Një kilogram i specave të djegës është kanë 7 euro tash është ra 3 euro jo që është ramazan por qysh ti marrin atje qashtu i shesim edhe këtu”, tha tregtari Gazmend Rukovci.
Madje ai thotë se kanë pranuar ankesa pafund nga konsumatorët për shtrenjtimin e produkteve ushqimorë.
