Analisti, Fidan Ukaj, thotë se ardhja e pesëshes së Bashkimit Evropian dhe Shteteve të Bashkuara të Amerikës në krye me emisarin, Miroslav Lajçak, ka sjellë një plan të ri të sekuencimit sa i përket dialogut Kosovë – Serbi.
Ukaj, thotë se ky plan i ri është më i balancuar dhe mund të jetë “merre ose lere” për të dyja palët e dialogut.
“Mendoj që pas datës 24 shtatorit që ndodhi sulmi në veri të Kosovës dhe ardhja në vizitë e kësaj pesëshes së Bashkimit Evropian dhe Shteteve të Bashkuara të Amerikës në krye me emisarin Miroslav Lajçak, ka pru një plan të ri të sekuencimit më të balancuar dhe sigurisht mund të jetë merre ose lere për palët. Sigurisht aty do të jenë edhe Asociacioni edhe mbajtja e procesit zgjedhor për Kosovën, e po ashtu do të jenë për Serbinë njohja e simboleve kombëtare e vulave e të gjithave. Në koherencë të të dyja palëve, sigurisht paralelisht me formimin e Asociacionit apo mbajtjen e zgjedhjeve po ashtu ndodh edhe konvertimi i targave, zbatimi i marrëveshjes për energji edhe njohja anasjelltas e dokumentacionit përcjellës mes shteteve”, tha ai në emisionin “Ditari” në Tëvë1.
Sipas analistit, nesër në takim, pikë kyçe e diskutimit do të jetë formimi i Asociacionit.
“Prapëseprapë do të jetë Asociacioni si pikë që faktori ndërkombëtar në vazhdimësi, por edhe nesër do të jetë pikë kyçe ose kryesore e faktorit ndërkombëtar, formimi i këtij Asociacioni. Unë mendoj që një momentum të tillë pas datës 24 shtator është momentumi ma i volitshëm i Kosovës që edhe draftimin e Asociacionit ta bëjë tashmë. Unë mendoj që nuk do të ketë një momentum të tillë kaq të artë Kosova që ta shfrytëzojë këtë momentum dhe ta formojë ose ta draftojë e ta prezantojë një draftë të Asocionit”, shtoi ai.
Përfaqësuesi i posaçëm i BE-së për dialogun Kosovë – Serbi, Mirolslav Lajçak, i shoqëruar nga këshilltarët e lartë të liderëve të Gjermanisë, Francës, Italisë dhe Shteteve të Bashkuara të Amerikës, do të vijë të shtunën (21 tetor( në Kosovë dhe Serbi, për t’u takuar me kryeministrin e Kosovës, Albin Kurti, dhe presidentin e Serbisë, Aleksandër Vuçiq.
Zëdhënësi i BE-së për politikë të jashtme dhe siguri, Peter Stano, ka thënë se 1ëllimi i kësaj vizite është për të arritur përparim konkret në zbatimin e Marrëveshjes për rrugën drejt normalizimit dhe shtensionimin pas zhvillimeve të fundit./teve1.info/
