Sipas tij, ato kanë mundësinë t’i shohin avancimet e Kosovës, si dhe garantimin e të drejtave të njeriut.
“Çdo anëtarësim në Organizatat ndërkombëtare e rritë pos subjektivitetin edhe seriozitetin e Kosovës, dhe sigurisht që do të ndikojë edhe te 5 shtetet mosnjohëse të Kosovës, që ato t’i shohin avancimet e Kosovës, garantimin e të drejtave të njeriut, dhe sigurisht që do ta përshpejtojë mundësinë e njohjes edhe nga këto 5 shtete të Bashkimit Evropian”, tha ai për emisionin “Infonata”.
Sot Kosova ka dorëzuar aplikimin për anëtarësim në Këshillin e Evropës, organizatë kjo e cila qëllim kryesor ka sigurimin e bashkëpunimit dhe unitetit ndërmjet anëtarëve të saj në fushë e mbrojtjes së të drejtave të njeriut, demokracisë dhe sundimit të ligjit.
