Tash e disa vite, në një vend derdhën ujërat e zeza të pesë lagjeve të fshatit Mramor në Prishtinë.
E gjithë kjo bëhet në lumin që gjendet jo shumë larg shtëpisë së Sabit Gashit.
Nga kundërmimi që vjen nga ky kanalizim, Gashi thotë se e ka të pamundur të qëndrojë në oborrin e tij.
“Probleme me çështjen e kanalizimit kemi që katër vite, ndërsa kanalizimi nëse nuk gaboi ka filluar para 13-14 viteve në këtë fshat, por kanë punu pak dhe e kanë ndërpre. Një pjesë e kanalizimit që derdhet qitu 20 metra larg ambulancës, afër zyrës së vendit që një vit e gjysëm nga kundërmimi unë nuk mund të rri në oborrin tim. Pra është vera e dytë, vera e kaluar dhe kjo verë. Disa herë i kam thënë jo do të bëhet këtë muaj jo në atë muaj, jo tenderi, përndryshe gjendje alarmante”, deklaroi qytetari Sabit Gashi.
Nga ky vend ku derdhen kanalizimet e banorëve të Mramorit nuk gjendet larg as shkolla e fshatit e ambulanca.
Gashi madje thotë se ka kërkuar disa herë nga qeverisja lokale ta rregullojë këtë problem por nuk ka gjetur zgjidhje.
“Disa herë jam ankuar mirëpo kanë thënë që tenderi nuk është marrë për këtë pjesë, zgjidhja është shumë shpejtë me vazhdu punimet , pasi një pjesë e fshatit është kryer që dhjetë vite një pjesë tjetër qe 3-4 vite,ndërsa qendra e fshatit ka mbetur pa u lidhur me pjesë të tjera, krejt ky kanalizim derdhët në lum dhe shkon në liqe, cka do të thotë se rrezikohet shëndeti i krejt qytetarëve të Prishtinës”, tregon ai.
Televizioni ka kontaktuar edhe drejtorin e Infrastrukturës në kryeqytet, Sokol Havolli, por i njëjti nuk ka dhënë sqarim për këtë gjendje.
Madje përmes telefoni,=t, Havolli ka thënë se në ditët në vijim do të kthejë përgjigje për këtë çështje.
