Një incident është raportuar të mërkurën në fshatin Arllat të Drenasit, ku një person ka mbetur i lënduar si pasojë e një sulmi fizik.
Sipas Policisë së Kosovës, rasti ka ndodhur rreth orës 13:10, pas një mosmarrëveshjeje mes palëve. Dy persona të dyshuar, meshkuj kosovarë, dyshohet se kanë sulmuar fizikisht një mashkull tjetër, i cili më pas ka kërkuar dhe ka pranuar tretman mjekësor.
Gjatë ndërhyrjes policore, autoritetet kanë arrestuar të dyshuarit, ndërsa nga njëri prej tyre është konfiskuar një mjet i mprehtë – thikë.
Me vendim të prokurorit kompetent, dy të dyshuarit janë dërguar në mbajtje, ndërkohë që rasti po hetohet nga organet e drejtësisë.
