Ndërtesa ku banonte, ishte tragjike për biznesmenin nga Gjilani, Musa Hamiti. Ai u gjet i vdekur të hënën në objektin banesor ku disa banorë kishin nuhatur një kundërmim në bodrumin e ndërtesës.
Pas kësaj, edhe përdorimi i këtij ashensori u ndalua për banorët e këtij kompleksi.
E nga Prokuroria dolën me një komunikatë ku treguan se fillimisht rasi është hetuar si “rrëmbim”.
“Pas raportimit si person i humbur, dyshimet e para kanë qenë në drejtim të veprës penale ‘Rrëmbimi’, pasi i njëjti pas lirimit nga Qendra e Paraburgimit në Lipjan, më 09 Janar 2024, kishte pasur me vete 86,250 franga zvicerane, prandaj Prokuroria Themelore në Gjilan, ka marrë aktvendim për fillimin e hetimeve në drejtim të kësaj vepre penale dhe veprime të shumta hetimore”, thuhet nw komunikatwt e Prokurorisë.
Po ashtu, nga ky institucion u bë e ditur se tashmë hetimet janë duke u kryer në drejtim të asaj se a ishte funksional ashensori.
“Prokurori i shtetit ka dhënë urdhër që trupi i pa jetë i të ndjerit të dërgohet për autopsi në Institutin e Mjekësisë Ligjore. Po ashtu janë angazhuar ekspertë nga fakulteti teknik, me qëllim të ekspertimit të funksionalitetit teknik të ashensorit, janë bërë urdhëresa për ekzaminimin e telefonave dhe janë ndërmarrë veprime tjera hetimore”, thuhet tutje nga Prokuroria.
Banorët e këtushëm nuk pranuan të flasin para kamerës, por që thanë per televizionin se kanë qenë të shqetësuar për rastin.
