Administrata e presidentit amerikan Donald Trump po koordinon përpjekjet me zyrtarët shtetërorë dhe lokalë në Teksas, pas përmbytjeve shkatërruese që kanë prekur rajonin.
Në një postim në rrjetet sociale, Trump njoftoi se sekretarja e Sigurisë Kombëtare, Kristi Noem, do të mbërrijë së shpejti në zonën e katastrofës për të ndihmuar në koordinimin e ndihmave dhe emergjencës.
“Unë dhe Melania po lutemi për të gjitha familjet e prekura nga kjo tragjedi e tmerrshme. Ekipet tona të ndihmës së shpejtë të guximshme janë në vendngjarje duke bërë atë që bëjnë më mirë. Zoti i bekoftë familjet dhe zoti e bekoftë Teksasin”, shkroi presidenti Trump në platformën Truth Social.
Ndërkohë, autoritetet lokale vazhdojnë operacionet e kërkim-shpëtimit për të ndihmuar të mbijetuarit dhe për të vlerësuar dëmet pas reshjeve të mëdha dhe përmbytjeve masive.
