Superliga e Kosovës në futboll do të vazhdojë sot me tri ndeshje tejet interesante.
Në kuadër të xhiros së 20-të, sot do të kemi përballje mjaftë interesante, por vëmendja më e madhe pa dyshim se do të jetë në qytetin e Gjilanit. Atje Gjilanit e pret Prishtinën me shpresën për të gjetur rrugën drejt rikthimit te fitorja pas në pesë ndeshjet e fundit ka dy barazime, dy humbje dhe një fitore.
Nga ana tjetër, Prishtina e nisi stinorin pranveror me fitore ndaj Feronikelit, ndërsa vjen edhe pas suksesit në Kupën e Kosovës duke kaluan në fazën çerekfinale, raporton KosovaPress.
Sfidë tjetër interesante do të jetë edhe ajo që zhvillohet në Prizren ndërmjet Lirisë dhe Dritës. Të dy këto skuadra e nisën stinorin pranveror me humbje dhe do të kërkojnë pikë të reja.
Kampioni i Kosovës, Ballkani pritet të ketë punë të lehtë pasi përballet me Feronikelin.
Të gjitha ndeshjet nisin nga ora 13:00.
